Arsenali arrin marrëveshje personale me Kai Havertz, tani duhet bindur Chelsea

Kai Havertz e ka vendosur të largohet nga Chelsea, por jo edhe nga Londra.

Sulmuesi gjerman ka tre vite që është pjesë e londinezëve, por ai nuk bën pjesë në planet e Mauricio Pochettinos dhe do të largohet nga Stamford Bridges.

Arsenali është skuadra më e interesuar për lojtarin gjerman dhe Topçinjtë tanimë kanë gjetur marrëveshje me lojtarin.

Lexo po ashtu Oferta e papritur e Arsenalit për Kai Havertz

Fabrizio Romano ka njoftuar se Havertz është pajtuar me të gjitha kushtet personale me Arsenalin dhe dëshira e tij është t’i bashkohet skuadrës së udhëhequr nga Mikel Arteta.

Megjithatë oferta e parë e Arsenalit prej rreth 55 milionë eurove është refuzuar nga Chelsea që synon të fitoj më shumë nga largimi i gjermanit.

Gjithnjë sipas Romanos, Arseal këtë javë do të dorëzojë një ofertë të dytë në drejtim të rivalit lokal, ofertë që do të jetë e përmirësuar.

Kai Havertz has been very clear with all parties involved in the deal: he wants to play for Arsenal after green light on contract this week 🚨⚪️🔴 #AFC

Personal terms agreed, new bid to be submitted soon.

Understand there’s hope to get deal done after the international break. pic.twitter.com/STTCSwnfWA

— Fabrizio Romano (@FabrizioRomano) June 18, 2023

Chelsea nga ana tjetër synon që të fitojë mbi 70 milionë euro nga shitja e reprezentuesit gjerman, për të cilin në garë janë edhe Bayern Munich dhe Real Madrid.

Havertz këtë edicion ka zhvilluar 47 ndeshje zyrtare, ku ka realizuar nëntë gola dhe ka asistuar në një tjetër. /Telegrafi/