Arriti marrëveshje verbale me Unitedin, tifozi i Tottenhamit djeg fanellën e Eriksenit

Një tifoz i Tottenham Hotspur është bërë viral pasi dogji fanellën Christian Eriksen – disa orë pasi ai ra dakord verbalisht të bashkohej me Manchester United.

Mesfushori danez e kaloi gjysmën e dytë të sezonit të kaluar në Ligën Premier me Brentfordin dhe bëri përshtypje.

Atij iu ofruan kushte të reja nga Brentford, përveç Tottenhamit dhe United, por ia ka komunikuar dëshirat e tij hierarkisë së Old Trafford.

Lexo po ashtu Eriksen arrin marrëveshje kontraktuale me Manchester Unitedin

Eriksen luajti për Spurs midis 2013 dhe 2020 dhe konsiderohet si një nga mesfushorët më të mëdhenj të klubit në epokën moderne.

Disa e kanë marrë keq vendimin e tij për t’u bashkuar me United, dhe një tifoz dogji fanellën e tij të vjetër ‘Eriksen 23’ përpara se ta postonte videon në mediat sociale.

30-vjeçari fillimisht ishte i pasigurt për largimin nga Londra, ku ka kaluar të gjithë karrierën e tij në Ligën Premier.

https://twitter.com/THFC11111/status/1544033399626661888

Eriksen pësoi një arrest kardiak gjatë një ndeshjeje në Euro 2020 me Finlandën verën e kaluar dhe kishte një kardioverter-defibrilator të implantueshëm (ICD).

Kjo e detyroi atë të largohej nga Interi pasi rregullat e Serisë A nënkuptonin se ai nuk mund të luante për ta.

Eriksen po kërkonte 200,000 funte në javë dhe një bonus nënshkrimi prej 10 milionë funtesh, sipas The Telegraph. Aktualisht nuk dihet nëse këto janë kushtet që United ka pranuar, por ai do të nënshkruajë një marrëveshje trevjeçare. /Telegrafi/