Arrestohet zëdhënësi i Agjencisë ruse të Hapësirës, akuzohet për tradhti

Zëdhënësi i shefit të Agjencisë ruse të Hapësirës (Roscosmos) është arrestuar për tradhti.

Agjencia në një komunikatë për medie ka thënë se, arrestimi i ish-gazetarit Ivan Safronov nuk është i lidhur me punën aktuale të tij.

Sipas BBC, dyshohet se ai është arrestuar për shkak të punës së kaluar në raportimin për çështjet ushtarake.

Safronov iu bashkua Roscosmosit si këshilltar i informacionit për drejtorin e përgjithshëm Dmitry Rogozin në mes të muajit maj, i cili kishte punuar në gazetat Kommersant dhe Vedomost.

Russian journalist @ISafronov, whose article about possible arms sale to Egypt caused Pompeo to threaten sanctions, has been arrested for treason. At least he didn't mysteriously fall to his death from a window like his journalist father https://t.co/pSsz0qIjsK pic.twitter.com/S0LzQ9akJY

— Alec Luhn (@ASLuhn) July 7, 2020

Në muajin qershor të vitit të kaluar, u mbajtën disa procese gjyqësore në lidhje me informatat që Kommersant ka zbuluar, e që thuhej se ishin sekret shtetëror.

Informatat ishin publikuar në një artikull ku Safronov ishte bashkautor, e ku raportohej se Rusia ka dërguar aeroplanët luftarakë Su-35 në Egjipt.

Po ashtu, babai i Safronovit ishte një komentues i njohur për ushtrinë në gazetën Kommersant.

Ai vdiq pasi kishte rënë nga kati i pestë i apartamentit të tij në Moskë në vitin 2007. Sic kishte thënë Kommersant, Safronov ishte duke hetuar deklarimet se armatimi rusë është planifikuar të shitet në Siri e Iran para se të vdiste. /Telegrafi/