Arrestohet prokurori special i Malit të Zi

Prokurori special i Malit të Zi, Sasha Çagjenoviq është dërguar në dhomat e paraburgimit, ku do të qëndrojë gjatë 72 orëve të ardhshme.

Ai është arrestuar mëngjesin e sotëm me urdhër të Prokurorisë Speciale të Shtetit për krijimin e  një organizate kriminale dhe shpërdorim të detyrës.

Prokurori u dërgua për t’u marrë në pyetje i shoqëruar nga një inspektor gjersa vendimin për paraburgim e ka marrë prokurori special, Millosh Soskiq, raporton rtcg.

Sipas zëdhënësit të Prokurorisë së Shtetit, Vukas Radonjiq, ai është arrestuar për shkak të dyshimit se në periudhën nga mesi i vitit 2020 deri në vitin 2022 ka krijuar organizatën kriminale dhe disa vepra të keqpërdorimit të detyrës zyrtare.

“Prokuroria Speciale e Shtetit do ta informojë publikun me kohë për veprimet e mëtutjeshme dhe gjendjen e procedurës, dhe posaçërisht theksoj se autoritetet shtetërore, mediat, shoqatat e qytetarëve, fytyrat publike dhe personat e tjerë janë të obliguar t’i përmbahen prezumimi i pafajësisë dhe deklarimi i tyre publik për procedurën është në zhvillim e sipër, të mos cenohen rregullat tjera të procedurës dhe të drejtat e personit ndaj të cilit zhvillohet procedura”, ka thënë Radonjiq.

Arrestimi i prokurorit special është tregues se institucionet e prokurorisë janë duke funksionuar, ka pohuar Lëvizja Qytetare e URA e Dritan Abazoviqit. /Telegrafi/