Aromë titulli – Fantastiku Isco i jep fitoren Realit ndaj Gijonit, Los Blancos të frikshëm para El Clasicos (Video)

Real Madridi ka fituar ndaj Sporting Gijonit me rezultat 2-3 në La Liga, edhe pse në këtë takim Zinedine Zidane pushoi disa nga lojtarët kryesor të skuadrës.

Los Blancos ishin më të mirë në këtë takim dhe ishte një fitore me shumë rikthime dhe plotësisht e merituar.

Vendasit kaluan në epërsi në minutën e 14 me anë të Duje Cop, por mysafirët u kundërpërgjigjën shpejt me anë të Iscos në minutën e 17-të dhe me rezultatin 1-1 përfundoi pjesa e parë.

Gijon e filloi mirë pjesën e dytë dhe në minutën e 50-të shënoi Mikel Vesga për 2-1, por kjo epërsi i zgjati vendasve vetëm nëntë minuta pasi Alvaro Morta shënoi me kokë pas krosimit në zonë nga Danilo.

Kur të gjithë menduan se kjo ndeshje do përfundonte me barazim, në skenë doli Isco me një gol të bukur në minutën e 90.

Pas kësaj fitore Los Blancos vazhdojnë në pozitën e parë me 75 pikë, gjashtë më shumë se Barcelona, kurse Gijon renditet në vendin e 18 me 22 pikë.

Ndeshja e ardhshme e Realit është ndaj Barcelonës. /Telegrafi/

http://www.dailymotion.com/video/x5idv2o_rm_sport

http://www.dailymotion.com/video/x5idx0g_isco-goal-hd-gijon-2-3-real-madrid-15-04-2017_sport