Arilena Ara do të konkurrojë në Festivalin e RTSH-së për të provuar fatin për në “Eurovision” (Foto)

Këngëtarja Arilena Ara është njëra ndër artistet e reja më të preferuara nga publiku.

Ajo vitin e kaluar langoi këngën “Nëntori” e cila u pëlqye shumë, dhe njëherësh zuri vendin e tretë në festivalin “Kënga Magjike”.

Lexo po ashtu Të gjitha lajmet nga Estrada Shqiptare

E kur jemi te festivalet, duke se Ara ka vendosur që së fundmi ta sprovojë veten në një tjetër festival, teksa këtë radhë ka zgjedhur të konkurrojë në një festival shtetëror.

Bëhet fjalë për edicionin e 57-të të Festivalit të Këngës së Radio Televizionit Shqiptar, në të cilin Arilena do të marrë këtë vit pjesë.

Lajmin për këtë e ka bërë të ditur faqja e “Eurovision Kosova” në Facebook, teksa kanë publikuar një fotografi të këngëtares me kumtimin e lajmit se ajo është njëra ndër pjesëmarrëse e Festivalit të RTS-së.

Kënga “Nëntori” është pëlqyer shumë nga publiku jo vetëm shqiptar, por edhe ai i huaj, ndaj pjesëmarrja e saj në “Eurovision” do të mirëpritej nga miliona shikues që e ndjekin këtë festival gjigant.

Mbetet të shihet se a do ta fitojë Arilena biletën e përfaqësimit të Shqipërisë në “Eurovision 2018”. /Telegrafi/