Anulimi i festivalit “Mirëdita, dobar dan”, Kurti: Në vend të artistëve, Serbia ia dha fjalën huliganëve

Kryeministri i Kosovës Albin Kurti ka reaguar pas anulimit të festivalit “Mirëdita, dobar dan”, duke e lidhur këtë veprim të Serbisë me refuzimin e marrëveshjes të lehtësuar nga BE-ja.

Ai përmes platformës X ka shkruar se Serbia në vend të artistëve, fjala iu dha grupeve të huliganëve

“Pasi refuzoi edhe një herë nënshkrimin e Marrëveshjes Themelore të lehtësuar nga BE-ja, të miratuar nga SHBA, Serbia mbylli të enjten një nismë tjetër të sponsorizuar nga BE, “Mirëdita, Dobar Dan”.

Lexo po ashtu Anulimi i festivalit “Mirëdita, dobar dan”, Kandiq: Serbia u rreshtua në errësirën etnonacionalizmit më të madh

Një festival kulturor me një histori dhjetëvjeçare të festimit të diversitetit dhe bashkimit të artistëve nga Kosova dhe Serbia, “Mirëdita, Dobar Dan” u rrëmbye nga kryeministri i Serbisë Vulin dhe ministri i MPB-së Daçiq, të cilët e deformuan atë, përtej njohjes, në një paradë groteske të urrejtjes dhe mesazhe diskriminuese. Në vend të artistëve, fjala iu dha grupeve të huliganëve”, ka shkruar Kurti.

Lexo po ashtu Organizatorët e “Mirëdita, Dobar Dan”: Shteti serb mbajti anën e huliganëve, shkeli lirinë e shprehjes dhe lirinë e tubimit

Tutje ai tha se Serbia për fat të keq ka shfaqur edhe një herë armiqësinë e saj të paepur ndaj gjithçkaje që ka të bëjë me paqen dhe pajtimin. /Telegrafi/

After refusing once again to sign the EU-facilitated, U.S.-endorsed Basic Agreement, Serbia on Thursday shut down yet another EU-sponsored initiative, “Mirëdita, Dobar Dan”.

A cultural festival with a decade-long history of celebrating diversity and bringing together artists…

— Albin Kurti (@albinkurti) June 27, 2024