Ylli i Nottingham Forest, Anthony Elanga nuk po ngadalëson këtë verë pasi ka befasuar të gjithë me shpejtësinë e treguar gjatë një vrapimi.
Lojtari i kombëtares suedeze kohët e fundit arriti një shpejtësi maksimale prej 39.7 km/orë (24.7 mph) gjatë një vrapimi 100 metrash të filmuar, duke e përfunduar distancën në vetëm 10.93 sekonda.
Puna e tij me shpejtësi, e kapur në një pistë vrapimi gjatë stërvitjes jashtë sezonit, vetëm sa ka nxitur entuziazmin ndërsa ai është pranë një transferimi te Newcastle United.
Neëcastle është në prag të nënshkrimit të një marrëveshjeje prej 60 milionë eurosh me Nottingham Forest për Elangën, me Manchester United që përfiton gjithashtu 5 milionë funte nga një klauzolë shitjeje.
Sulmuesi anësor pritet t’i bashkohet një sulmi tashmë elektrizues në St James’ Park, ku luajnë Alexander Isak dhe Anthony Gordon, por shpejtësia shpërthyese e Elangës ofron diçka krejtësisht të ndryshme. /Telegrafi/
