Anija gjermane me 400 emigrantë ende në pritje të “një porti të sigurt për zbarkim”

Anija gjermane e shpëtimit Sea-Watch 3 që mbante më shumë se 400 emigrantë të marrë nga anijet në Mesdhe vazhdoi pritjen e saj për t’u lejuar të ankorohej të enjten.

Sipas mediave të huaja, përcjell Telegrafi, ekuipazhi vullnetar i anijes kishte marrë më parë më shumë se 410 emigrantë në shtatë operacione të veçanta në Detin Mesdhe qendror të dielën dhe të hënën. Shumë prej tyre ishin të mitur, tha Sea-Watch.

Mjeku që shoqëronte misionin e shpëtimit raportoi se kapaciteti mjekësor në bord ishte në kufijtë e tij.

Një numër organizatash private po punojnë për të marrë emigrantët që largohen nga bregdeti i Afrikës së Veriut me anije në përpjekje për të arritur në Evropë.

Operacionet e tyre kanë provokuar polemika në Itali, e cila ka marrë mijëra migrantë, shumë prej të cilëve zbarkuan në ishullin italian të Lampedusa.

Qeveria italiane ka kërkuar prej kohësh që Bashkimi Evropian të krijojë një sistem të përhershëm për rishpërndarjen e emigrantëve.

Deri më tani këtë vit, pothuajse 50,900 emigrantë kanë arritur në Itali nga deti, sipas shifrave të Ministrisë së Brendshme.

Shifra është pothuajse dyfishi i 26,700 të regjistruar në të njëjtën periudhë të vitit të kaluar. /Telegrafi/