Angjushev: Shembulli i Suedisë me burime të ripërtëritshme, i zbatueshëm edhe për Maqedoninë

Shembulli i Suedisë për zbatimin e teknologjive të pastërta në industri dhe për burime të ripërtëritshme të energjisë është i zbatueshëm për Maqedoninë dhe mund në mënyrë të konsiderueshme të kontribuojë për zhvillimin e saj, posaçërisht për projekte që kanë të bëjnë me të ashtuquajturën “energjia e pastër”.

Këtë e theksoi zëvendëskryeministri për çështje ekonomike, Koço Angjushev pas takimit të djeshëm me ministren suedeze për çështje evropiane dhe tregti, An Linde, në kuadër të vizitës së tij në Suedi, njoftoi sot Kabineti i zv.kryeministrit, përcjell Telegrafi Maqedoni.

Në takimin, në të cilin temë kryesore kanë qenë teknologjitë e pastërta dhe burimet e ripërtëritshme të energjisë është bashkëpunimi i kontraktuar për shfrytëzimin e përvojave suedeze dhe diturive në këto sfera me qëllim të zbatimit të tyre edhe në Maqedoni.

Ministrja Linde, në emër të qeverisë suedeze, ka shprehur gatishmëri për bashkëpunim me Qeverinë e Maqedonisë edhe në të gjitha sferat tjera me rëndësi për shtetin./Telegrafi/