Android po e arrin iPadin

Edhe pse është ende prodhuesi udhëheqës i tabletëve, posedimi i Apple në këtë treg po zvogëlohet gjithnjë e më shumë.

Sipas të dhënave të cilat ka grumbulluar kompania Strategy Analytics, gjatë çerekut të katërt të vitit të kaluar janë shitur rreth 10.5 milion tablet të bazuar në Android, me cilën gjë kanë bërë për vete 39.1% të tregut. Njëkohësisht Apple shiti 15.4 milion iPad, me çka ka pushtuar 57.6% të tregut. Mjaftë interesant është se Microsoft në vendin e tretë ka posedim prej 1.5% të tregut, duke iu falënderuar dërgesës së 400,000 tabletëve të bazuar në Windows.

Për rritjen e madhe të posedimit të Androidit në tregun e tabletëve më meritori është Amazon me pajisjet e veta Kindle Fire, por theksohet se relativisht të suksesshëm me modelet e veta ishin edhe Samsung dhe Asus.

Sipas të dhënave të Strategy Analytics gjatë çerekut të katërt janë shitur 26.8 milion tablet, e gjatë tërë vitit të kaluar 66.9 milion copë. Gjatë vitit 2010 krejtësisht janë shitur 18.6 milion tablet. /Telegrafi/