Andrew Tate thuhet se është dërguar me urgjencë në spital nga burgu famëkeq në Rumani, ku ndodhet i arrestuar

Andrew Tate ndau me ndjekësit një postim të fshehtë sot në Twitter duke pretenduar se “Matrix e ka sulmuar” mes pretendimeve se ai u dërgua me urgjencë në spital ndërsa ishte në burg.

Influencuesi i urryer i rrjeteve sociale, 36 vjeç, dhe vëllai i tij Tristan, 34 vjeç, vazhdojnë të mbahen pas hekurave pasi u arrestuan nga autoritet rumune vitin e kaluar.

Vëllezërit u arrestuan si pjesë e një hetimi për trafikim njerëzor, përdhunim dhe krim të organizuar, shkruan The Sun.

Sipas kanalit rumun të lajmeve Antena 3 CNN, një nga vëllezërit u dërgua me urgjencë në spital të premten pas një “kontrolli mjekësor rutinë”.

Ata thuhet se i thanë një mjeku për një çështje shëndetësore para-ekzistuese përpara se të dërgoheshin në një spital në kryeqytetin rumun, Bukuresht.

Tani thuhet se vëllai është kthyer në paraburgim.

Por Andrew më vonë publikoi në rrjetin social Twitter një mesazh të fshehtë.

Ai shkroi: “Matrix më ka sulmuar. Por ata keqkuptojnë, nuk mund të vrasësh një ide. Vështirë të vrasësh”.

Andrew dhe Tristan akuzohen se rekrutuan femra në platformat e rrjeteve sociale dhe i bindën të shkonin në vilën e tyre në vlerë 600 mijë funte (679 mijë euro) në periferi të kryeqytetit të vendit, Bukuresht.

Vëllezërit dyshohet se pretendonin në mënyrë të rreme se ishin të dashuruar me vajzat e reja, përpara se t’i bënin detyronin ato të kryenin akte seksuale para kamerave.

Femrat u detyruan të xhironin video pornografike në kompleks dhe mbaheshin nën arrest shtëpiak 24/7, sipas hetuesve rumunë.

Fqinjët e vëllezërve të rritur në Luton pohojnë se dhjetëra të reja nga Britania dhe ShBA-ja udhëtuan në vendin e fshehtë ku në çdo kohë të paktën tetë femra po shfaqeshin në faqet pornografike në internet.

Andrew dhe vëllai i tij po mbahen në një qeli burgu rumun deri në fund të janarit, ndërsa prokurorët njoftuan se ata po mbaheshin në paraburgim për 30 ditë.

Vëllezërit Tate do të apelojnë gjithashtu kundër sekuestrimit të disa prej sendeve të tyre – duke përfshirë 11 vetura – në një dalje në gjykatë javën e ardhshme.

Ata gjithashtu pritet të paraqiten në një Bukuresht javën e ardhshme për të dëgjuar ankesat e tyre që kundërshtojnë vendimin e një gjyqtari për të zgjatur urdhrat e tyre të arrestit në 30 ditë. /Telegrafi/