Ancelotti nuk mund të përballojë sjelljet e Bellingham dhe Vinicius – Real Madrid përballet me një problem të papritur 

Sjellja e yjeve të Real Madridit, Jude Bellingham dhe Vinicius, po shqetëson trajnerin italian, Carlo Ancelotti. 

Pas përjashtimit të Jude Bellingham në ndeshjen kundër Osasunas në Spanjë, ku shpërtheu një skandal, pasi besohet se gjyqtari i ka keqkuptuar fjalët e lojtarit, ndaj kartoni i kuq mund të ketë qenë i padrejtë.  

Megjithatë, pavarësisht polemikave rreth vendimit, çështjet disiplinore të anglezit po bëhen gjithnjë e më të dukshme për madrilenët. 

Problemet nuk kufizohen vetëm në Bellingham, cili mund të mungojë nga katër deri në 12 ndeshje.  

Vinicius ka marrë tashmë 12 karton të verdhë që nga fillimi i sezonit dhe është përjashtuar një herë. Për shkak të tepricës së kartonëve të verdhë, braziliani ka munguar në 5 ndeshje. 

Carlo Ancelotti është i pakënaqur që lojtarët kryesorë të tij largohen kaq shpesh nga formacioni për shkak të sanksioneve disiplinore, por ai ende nuk e di se si të ndryshojë sjelljen e tyre. 

Lexo po ashtu Mori mbi 100 mijë mesazhe kërcënuese me jetë, gjyqtari Montero detyrohet të marrë masa

 Ky alarm tashmë është ndezur te Real Madridi dhe klubi po e trajton këtë gjë. /Telegrafi/