N'Golo Kante ka përfunduar në listën e dëshirave të rivalit të Chelseat, Manchester Unitedit.
Trajneri i Djajve të Kuqë, Jose Mourinho po kërkon një nënshkrimin e ri të mesfushës.
E gjithë kjo pasi Nemanja Matic ka ulur nivelin e tij dhe ardhja e re, Fred, ende nuk po arrin të ambientohet me Ligën Premier.
Sipas mediumit CaughtOffside, Manchester Unitedi është i interesuar të nënshkruajë me mesfushorin francez të Chelseat, Kante.
Raporti pretendon se Unitedi ka bërë interesin fillestar me përfaqësuesit e Kante për një transferim të tij.
Megjithatë, nuk është e qartë nëse Kante dëshiron të bashkohet me rivalët e Bluve në Ligën Premier.
Edhe në rast dëshire për largim, mesfushori francez është objektiv i shumë skuadrave dhe Unitedi nuk do ta ketë të lehtë.
Real Madridi dhe Paris Saint-Germain gjithashtu kanë shprehur interesim për transferimin e 27-vjeçarit. /Telegrafi/