Trajneri i Interit, Luciano Spalletti, ka konfirmuar se Mauro Icardi ka kërkuar që mos të përfshihet në skuadrën ndaj Rapid Vienna.
Nga kjo klubi ka marrë vendim që ta heq argjentinasin nga detyra e kapitenit të skuadrës dhe ka emëruar Samir Handanovicin.
"Nesër (e enjte) do të jetë ndeshje e rëndësishme. Pas saj do të kemi kohë të qartësojmë pozitën e Icardit", ka thënë Spalletti për Sky Sport Italia.
"Ishte një vendim i vështirë dhe i dhimbshëm, por u bë për të mirën e të gjithëve, për të mirën e Interit dhe skuadrës".
“Mosparaqitja e tij? Ishte ai që nuk dëshironte t'i bashkohej skuadrës. Ishte i thirrur. Ishte i dëshpëruar, por edhe për ne ishte e vështirë ta njoftonim për vendimin".
"Kjo ishte një situatë që duhej adresuar, e thash edhe pas Parmas. Nëse është dikush që mendon për diçka tjetër përveç rezultatit, gabon".
"Gjërat përreth tij e kanë shqetësuar atë dhe skuadrën që e ka udhëhequr. Tani e gjithë vëmendja jonë duhet të jetë të ndeshja e së nesërmes", ka shtuar Spalletti. /Telegrafi/