15/12/2016
Skuadra nga MLS-ja amerikane, LA Galaxy, thuhet se janë të interesuar në mesfushorin e Juventusit, Hernanes.
Braziliani u bashkua me bardhezinjtë nga Interi verën e kaluar, por është kritikuar nga tifozët dhe mediat për shfaqjet e tij.
Ishte pritur se Hernanes do të lëvizë në afatin kalimtar të verës, por 31-vjeçari nuk ishte i etur për ndonjë prej opsioneve që pati.
Tani TuttoJuve raporton se skuadra nga MLS, LA Galaxy, janë të etur për të sjellë Hernanes në Shtetet e Bashkuara.
Galaxy kanë një boshllëk në mesfushë pas largimit të ish-kapitenit të Liverpoolit, Steven Gerrard, dhe mendojnë ta mbulojnë pikërisht me Hernanesin. /Telegrafi/