Juventusi ka shënuar fitore ndaj Interit në kuadër të ndeshjes së parë gjysmëfinale të Kupës së Italisë me rezultat 2-1.
Ndeshja ishte e fortë, sidomos pjesa e parë me gola dhe raste.
Interi e nisi më mirë takimin pasi kaloi në epërsi më golin e Lautaro Martinez në minutën e nëntë.
Argjentinasi gjuajti me ta parë pas një pasimi në zonë, gjuajtjen e të cilin nuk arriti ta ndal Giggi Buffon.
Por Juventusi shpejt u kthye në lojë. Zonja e Vjetër fitoi penallti në minutën e 25-të, pas një ndërhyrje në zonë të Ashley Young ndaj Juan Cuadrados.
Nga pika e bardhë ishte i saktë Cristiano Ronaldo që shënoi për 1-1.
https://twitter.com/Mohammadzrek1/status/1356698430853251080
Nuk vonoi shumë dhe Juventusi gjeti edhe golin e dytë.
Ai erdhi pas një gabimi trashanik në mbrojtjen e Interit, ku Bastoni dhe Handanovci nuk u kuptuan, e më së miri u gjend Ronaldo që shënoi për 2-1.
Pjesa e dytë më shumë i takoi Interit, që ishte vënë në ndjekje të rezultatit.
Rastin Demiral shpëton gol të sigurt, largon topin nga vija e portës
Rasti më i mirë ishte në minutën e 57-të, kur Alexis Sanchez përfiton nga një gabim i Rodtigo Bentancur.
Kiliani gjuan, kalon portierin Gigi Buffon dhe kur pritej ta kalonte vijën në skenë del Merih Demiral i cili bllokon gjuajtjen, pothuajse nga vija e portës.
Në minutën e 69-të, mbrojtësi Matteo Darmian kishte rast të mirë, pasi pranoi një top në zonë, kaloi një mbmrojtës të Juventusit, por gjuajtja e tij u prit nga Buffon.
Deri në fund nuk kishte në raste dhe Juventusi iu gëzua fitores në ndeshjen e parë.
Ndeshja kthyese zhvillohet pas një jave në “Juventus Stadium”. /Telegrafi/