Transferimi i parë i Juventusit në afatin kalimtar veror do të jetë Rolando Mandragora.
Në fakt do të jetë një rikthim i mesfushorit italian në Juventus, pas dy viteve të kaluara te Udinese.
22-vjeçari është rritur shumë këto dy vite në Udinese dhe falë formës fantastike ka arritur edhe në Kombëtaren A të Italisë.
Juventusi kishte mundësinë për ta aktivizuar klauzolën për rikthimin e lojtarit dhe Zonja e Vjetër e ka bërë këtë gjë.
Kampioni në fuqi i Italisë ka pranuar të paguajë 20 milionë euro për rikthimin e Mandragoras.
Mesfushori qendror megjithatë nuk e ka të ardhmen e sigurt te bardhezinjtë, pasi ai mund të përdorët si shkëmbim.
Opsioni i parë është që Juventusi ta përfshijë në marrëveshje te Fiorentina për Federico Chiesan.
Ndërkohë një tjetër mundësi është që Juve ta dërgojë te Roma mesfushorin në këmbim të Bryan Cristantes.
Gjithsesi i sigurt është vetëm rikthimi i mesfushorit italian te Juventusi, por që e ardhmja e tij është ende e paqartë. /Telegrafi/