Sulmuesi i Milanit, Zlatan Ibrahimovic, ka pësuar një lëndim dhe mund të mungojë një kohë të gjatë nëse është serioz – raporton Sky Sport Italia.
Sipas mediumit italian, 38-vjeçari nuk dukej aspak i kënaqur me rastin e largimit nga stërvitjet në Milanello ditën e hënë.
“Sot, Ibra është ndalur gjatë një ndeshjeje stërvitore në fund të seancës. Pas përfundimit, peshoi në këmbë dhe ndjeu diçka në muskulin e pasmë të poshtëm, me të cilin ka pasur problem ndërmjet janarit dhe shkurtit”.
“Ekziston dyshim konkret për tërheqje, mirëpo edhe frikë për problem me tetivën e Akilit. Duhet të kemi kujdes se çfarë po themi, por duhet ta themi”, ka deklaruar gazetari i Sky Sport Italia, Peppe Di Stefano.
Ekzaminimet mjekësore pritet të bëhen së shpejti, në mënyrë që të përcaktohet gjendja fizike e lojtarit. /Telegrafi/