Këngëtarja nga Kosova, Filloreta Raçi - Fifi është ngjitur mbrëmjen e së mërkurën në skenën e Pallatit të Kongreseve, në natën e parë të festivalit "Kënga Magjike 2019".
Ajo ka interpretuar live këngën e saj "Marova", e cila është pa dyshim një prej këngëve më premtuese të këtij edicioni të festivalit.
E veshur në të zeza dhe plot me emocione, këngëtarja i befasoi të gjithë me interpretimin e saj korrekt.
Duartrokitjet e publikut nuk munguan gjatë gjithë interpretimit të saj, teksa ato ishin edhe më të shumta kur performanca e saj mbaroi.
"Faleminderit, ju dua shumë", ishin fjalët e këngëtares pas mbarimit të këngës së saj.
Ky edicion i festivalit "Kënga Magjike" është realizuar nën moton "Këndojmë për të ndërtuar", pasi të ardhurat e biletave për tri netët finale të festivalit, do të shkojnë për rindërtimin e shtëpisë të një familje të prekur nga tërmetet e fundit që goditën shtetit shqiptar. /Telegrafi/