Diego Costa u ndëshkua me karton të kuq në ndeshjen derbi mes Barcelonës dhe Atletico Madridit.
Sulmuesi spanjoll u largua nga loja në minutën e 28-të dhe duke u larguar e shau gjyqtarin kryesor të ndeshjes Manzano.
Ka qenë vetë gjyqtari Manzano që në raportin e tij pas ndeshjes ka treguar se është fyer nga Costa.
Tani Federata Spanjolle e futbollit ka konstatuar nëpërmjet xhirimeve se Costa e ka sharë me nënë gjyqtarin Manzano.
Kësisoj sulmuesi spanjoll është dënuar me tetë ndeshje mos lojë në të gjitha garat që organizon FFS.
Pas këtij dënimi, Costa ka humbur pjesën e mbetur të sezonit pasi deri në përfundim të këtij edicioni në La Liga kanë mbetur edhe shtatë takime.
Atletico Madrid aktualisht ndodhet në pozitën e dytë në La Liga me 11 pikë më pak se lideri Barcelona. /Telegrafi/