Manchester Unitedi ka konfirmuar skuadrën për takimin e së enjtes ndaj Zorya Luhansk në Ligën e Evropës.
Në listën prej 19 lojtarëve janë lënë jashtë Michael Carrick, Matteo Darmian, Antonio Valencia, Memphis Depay e Morgan Schneiderlin. Po ashtu edhe Chris Smalling dhe Luke Shaw të cilët ende janë të lënduar.
Në listë janë kthyer Wayne Rooney dhe Eric Bailly, i cili ishte në bankën rezervë në takimin ndaj Evertonit në Goodison Park.
Depay dhe Schneiderlin besohet se janë lënë jashtë pasi Djajtë e Kuq janë në bisedime me Evertonin për shitjen e tyre.
Skuadra e plotë: De Gea, Romero, Johnstone; Fosu-Mensah, Jones, Bailly, Rojo, Blind, Young; Fellaini, Herrera, Pogba, Lingard, Mata, Mkhitaryan; Martial, Rashford, Rooney, Ibrahimovic.
Man Utd është në vendin e dytë në Grupin A me një pikë më pak se Fenerbahce, kurse dy më shumë se Feyenoord e shtatë se Zorya. /Telegrafi/