Chelsea dëshiron që pasardhësi i Contes të jetë italian, Di Francesco objektivi i radhës

Antonio Conte duket se do të largohet nga Chelsea në fund të sezonit.

Trajneri italian nuk ka arritur ta dërgojë skuadrën më shumë se në raundin e parë të Ligës së Kampionëve.

Conte ende nuk ka arritur ta zë pozitën e katërt në kampionat që i dërgon në Ligën e Kampionëve.

Kampioni i edicionit të kaluar në Ligën Premier po dëshirojnë një trajner italian si pasues të Contes.

I pari në listën e tyre mbetet trajneri italian i Juventusit, Maximiliano Allegri.

Ndërkohë mediat italiane kanë raportuar se tani Chelsea po kërkon trajnerin e Romës, Eusebio Di Francesco.

Numri një i Giallorosëve ka spikatur këtë edicion me një lojë mjaftë të bukur dhe kjo është arsyeja që po kërkohet nga londinezët.

Edhe pse duket e vështirë që Roma të heqë dorë nga trajneri i tyre, Chelsea do të tentojë të nënshkruajë me të. /Telegrafi/