Aludohet në mosmarrëveshje midis dy aksionarëve kryesor të Interit, Thohir thotë se gjithçka është në rregull me Suningun  

Erick Thohir këmbëngul se çdo gjë është në rregull me Suning Group, pavarësisht se flitet për mosmarrëveshje midis dy aksionarëve kryesor të Interit.

Raportet e mediave të hënën në mëngjes sugjeruan se Suning po përpiqej të përjashtonte Thohirin nga skuadra duke ia blerë 30 për qind të aksioneve të Interit, por indoneziani thuhet se kërkon 200 milion euro për 30 për qind të aksioneve të tij.

Sipas Corriere della Sera, palët “nuk janë në harmoni të plotë” pasi Thohir hodhi poshtë ofertën e Suning për 42.5 milionë euro për aksionet e tij Interi, duke kërkuar shumë më tepër.

Lexo po ashtu Zanetti: Suning serioz, dëshriojmë të kthejmë Interin në krye

Megjithatë, sipas indonezianit nuk ka asnjë problem mes tij dhe pronarëve kinezë dhe gjithçka është në rregull.

“Marrëdhënia ime me Suning është e qetë, ne jemi takuar disa herë, si në Kinë dhe në Milano”, ka thënë fillimisht Thohir për Goal.com Indonesia.

“Gjithçka është në rregull, lajmi që qarkullon në ditët e fundit nuk është i vërtetë. Suning tani kanë Stevenin, trashëgimtar i familjes Zhang, në Milano”.

“Spalletti? Ai po bën shumë mirë. Tani duhet të konsolidohemi për të arritur objektivat tona”.

Lexo po ashtu Djali i pronarit të Interit: Meazza i stërmbushur të bën të ndihesh sikurse në mes të një tërmeti

“Ne jemi në mes të sezonit dhe Interi janë në pozitat më të larta”.

“Duke pasur parasysh se do të ketë katër skuadra italiane në Ligën e Kampionëve sezonin e ardhshëm, jam shumë optimist në arritjen e këtij objektivi”, përfundoi indoneziani. /Telegrafi/