Alija: Vetëvendosje të ketë kujdes me fazën e tranzicionit të pushtetit

Njohësi i rrethanave politike, Rasim Alija ka thënë se vendimi i Gjykatës Kushtetuese ishte i pritshëm pas reagimeve që deri më tani kanë pasur palët e përfshira në këtë çështje.

Alija në RTV Dukagjini thotë se Gjykata Kushtetuese dërgimet e letrave nga ana e Thaçit në adresë të Albin Kurtit i ka marrë si konsumim i të drejtës për mandatarin e këtij të fundit.

Ai thotë se sigurisht që tashmë priten protesta duke u bazuar edhe në paralajmërimet që ka bërë vet Lëvizja Vetëvendosje në adresë të Gjykatës Kushtetuese.

“Interesantë do të jetë edhe procesi i tranzicionit të pushteteve”.

Njohësi i rrethanave politike thotë se beteja në Kushtetuese nuk ka qenë mes Vetëvendosjes dhe Avdullah Hotit por mes Kurtit dhe Thaçit.

Alija thotë se protesta bën të ketë por duhet të evitohen episodet e dhunës.

“Është shumë e rëndësishme për Vetëvendosjen që faza e tranzicionit të jetë pa dhunë. Mund të ketë protesta por jo dhunë pasi situata mund të eskalojë”, tha ndër të tjera Rasim Alija./Telegrafi/