Aldo dhe Rizarta shfaqen më të afërt se kurrë, duke ngritur dyshime për një romancë të mundshme

Dy banorët e Big Brother VIP Albania, Aldo dhe Rizarta, kanë tërhequr vëmendjen e publikut me afrimitetin e tyre të papritur.

Në fillim të qëndrimit të saj në shtëpi, Rizarta kishte shprehur një lloj interesi për Gejstin, i cili në atë kohë ishte më i afërt me Eglin.

Por, duket se raportet brenda shtëpisë kanë ndryshuar dhe tashmë Rizarta po kalon gjithnjë e më shumë kohë me Aldon.

Një video që po bën xhiron e rrjeteve sociale ka ndezur spekulime mbi një marrëdhënie të mundshme mes tyre.

Në pamjet e shpërndara, dyshja shfaqet më afër se kurrë, duke u përqafuar me shumë pasion.

Aldo duket duke e tërhequr Rizartën drejt vetes, dhe ajo duke e përqafuar, një gjest që ka lënë të habitur jo vetëm publikun, por edhe banorët e tjerë të shtëpisë.

Ky afrimitet i tyre ka shkaktuar reagime të shumta mes fansave të spektaklit.

Disa besojnë se mes tyre po lind diçka më shumë se miqësia, ndërsa të tjerë mendojnë se është thjesht një lojë strategjike për të qëndruar sa më gjatë në garë.

Megjithatë, gjithçka mbetet për t’u parë në javët në vijim, ndërsa marrëdhënia mes Aldos dhe Rizartës vazhdon të evoluojë brenda mureve të shtëpisë më të famshme në Shqipëri. /Telegrafi/