Rreth 50 protestues pro-palestinezë u arrestuan në New York në fillim të kësaj jave, sipas grupit protestues "Voice of Peace", i cili organizoi protestat.
Aktorja Hunter Schafer, e njohur më së shumti për rolin e saj si Jules në serialin "Euphoria", ishte pjesë e grupit të protestës.
Ajo është fotografuar e veshur me një bluzë me shkrimin “Ceasefire now”.
"Hunter u arrestua në një protestë me 50 persona të tjerë. Ne përgëzojmë angazhimin e saj për lirinë dhe drejtësinë palestineze", tha një zëdhënës i grupit.
Ajo ende nuk ka komentuar për arrestimin.
Protestuesit u ulën në hollin e Rockefeller Center dhe anëtarët e grupit mbanin pankarta që bënin thirrje për një armëpushim.
Hunter është një aktore, modele dhe aktiviste 25-vjeçare për të drejtat LGBT.
Ajo arriti famë me rolin e Jules në "Euphoria", për të cilën mori nominime të shumta. /Telegrafi/
