Aktori i “Star Wars”, John Boyega flet për racizmin: Njerëzit me ngjyrë kanë pasur gjithmonë rëndësi

Racizmi ka qenë një nga çështjet që është diskutuar në masë të madhe kohëve të fundit, që pas vrasjes së afro-amerikanit, George Floyd.

Aktori i “Star Wars”, John Boyega iu bashkua protestuesve në Hyde Park të Londrës për të treguar mbështetjen e tij për lëvizjen “Black Lives Matter”, duke mbajtur një fjalim të fuqishëm dhe duke vërejtur se ai mund të rrezikonte karrierën për ndarjen e pikëpamjeve të tij.

“Njerëzit me ngjyrë kanë pasur gjithmonë rëndësi. Ne kemi qenë gjithmonë të rëndësishëm. Ne gjithmonë kemi menduar diçka”, tha Boyega, 28-vjeçar në pamjet e kapura nga Evening Standard. “Ne kemi pasur gjithmonë sukses pavarësisht. Dhe tani është koha. Nuk mund të pres më”.

Për NME, Boyega u tha protestuesve se ai ‘po fliste me gjithë zemër’.

Aktori vazhdoi, duke diskutuar se sa e ‘dhimbshme’ është të përballesh me diskriminimin racor dhe të shpjegosh se protestat ‘janë një përfaqësim fizik’ i mbështetjes për George Floyd, Sandra Bland, Trayvon Martin, Stephen Laërence dhe Mark Duggan.

“Ata duan që ne të ‘rrënohemi’, duan që ne të ‘çorganizohemi’”, tha Boyega duke u bërë thirrje fansave të qëndrojnë të qetë. “Por, jo sot”.

“Shikoni, nuk e di nëse do të kem një karrierë pas kësaj, por nuk më intereson. Ne nuk e dimë se çfarë mund të kishte arritur George Floyd, ne nuk e dimë se çfarë mund të kishte arritur Sandra Bland, por sot do të sigurohemi që nuk do të jetë një mendim i huaj më për të rinjtë tanë”.

We stand with and support you, @JohnBoyega. View his full speech: https://t.co/Goxb5y2wrK pic.twitter.com/ZvE0t5tRPY

— Star Wars (@starwars) June 3, 2020

Protestat ku ai mori pjesë ishin organizuar kundër brutalitetit të policisë ndaj njerëzve me ngjyrë. /Telegrafi/