Aktakuzë për rastin e vdekjes tragjike të dy të rinjve në Autostradën “Ibrahim Rugova”

Prokuroria Themelore në Prizren, departamenti i Përgjithshëm, ka ngritur aktakuzë kundër të pandehurve me inicialet Sh.S., M.M. dhe B.B., për shkak të dyshimit të bazuar se në bashkëkryerje kanë kryer veprën penale “Shkaktimi i rrezikut të përgjithshëm”.

Në një njoftim për media, thuhet se sipas aktakuzës, me datë  29.06.2019 pas mesnatës në Autostradën “Ibrahim Rugova “ tek ura, në afërsi të fshatit Sllapuzhan, Komuna e  Suharekës, të akuzuarit nga pakujdesia shkaktojnë rrezik të madh për jetën e njerëzve e që ka rezultuar me vdekjen e dy personave.

Lexo po ashtu Nga një muaj paraburgim për shoferët e autobusëve, ku humbën jetën dy të rinj në autostradën "Ibrahim Rugova"

“Të pandehurit, si vozitës dhe punëtorë të kompanisë ‘Sharr Travel’,  ndalin autobusët në vendin kritik, për të bërë shkëmbimin e telefonave mobil dhe disa lista të udhëtarëve. Fillimisht ndalet i pandehuri Sh.S., i cili ishte nisur nga Prishtina në drejtim të Shqipërisë, kurse i pandehuri B.B., ndalet nga ana e kundërt. I pari  nga autobusi i të pandehurit Sh.S., del i ndjeri G.G., për ta trupuar trasenë, ku bie poshtë. Në ndërkohë, vie me autobus nga kahja e njëjtë i pandehuri M.M., ku nga autobusi del i ndjeri A.B., ku bie poshtë urës në hapësirën e pa mbuluar në mes të dy kahjeve që ndajnë autostradën”, thuhet në njoftim.

Lexo po ashtu Policia jep detaje për aksidentin në autostradë

Ndërkaq, siç  thuhet në njoftim me këto veprime, të akuzuarit në bashkëkryerje kanë kryer veprën penale “Shkaktimi i rrezikut të përgjithshëm” nga neni 356 të KPR-së.

Prokurori i çështjes me rastin e ngritjes së aktakuzës, i ka propozuar Gjykatës që të akuzuarit të shpallen fajtor dhe të dënohen sipas ligjit për veprën penale e cila u vihet në barrë. /Telegrafi/

Lexo po ashtu Humnera në autostradën “Ibrahim Rugova”, ku dyshohet se e gjeten vdekjen dy të rinjtë (Foto)