Aksion policor në Shkup, ndalohen 15 persona

Sot (17.05.2023) Departamenti për Luftimin e Krimit të Organizuar në koordinim me Departamentin për Operacione Speciale të Policisë dhe me pjesëmarrjen e ekipeve të Drejtorisë së Doganave, nën udhëheqjen e prokurorit publik kompetent nga Prokuroria Publike për Prokurorinë kundër Krimit të Organizuar dhe Korrupsionit, pas hulumtimeve disa mujore, kanë kryer një aksion të koordinuar policor, në të cilin janë shkatërruar tri grupe të organizuara kriminale shumë-anëtare të përbëra nga persona nga Shkupi, të cilët për një kohë të gjatë kanë qenë të përfshirë në kryerjen e krimeve në fushën e tregtisë së paligjshme me lëndë narkotike dhe armëve.

Pas marrjes së urdhrave për bastisje të lëshuara nga gjyqtari për procedurë paraprake, janë kryer bastisje në gjithsej 27 lokacione në Shkup dhe janë ndaluar 15 persona të moshës nga 20 deri në 54 vjeç, të gjithë nga Shkupi, ndërsa nga tre (Z.N., E.S. dhe S.S.) janë në kërkim.

Gjatë kontrolleve në disa lokacione janë gjetur dhe konfiskuar kokainë dhe marihuanë, të cilat janë lëndë e mjekësisë ligjore, municione luftarake, një armë, automjete, një sasi e madhe e devizave dhe parave në denarë, telefona celularë.

Lexo po ashtu Prokuroria për aksionin policor në Shkup: Paraburgim për 14 persona, për njërin arrest shtëpiak për shkak të gjendjes shëndetësore

Nga Prokuroria thonë se janë realizuar bastisje në vendbanimet Haraçinë, Hasanbeg, Kisella Vodë, Karposh dhe Shuto Orizarë.

“Departamenti për luftimin e krimit të organizuar dhe të rëndë, në koordinim me bastisjet e kryera dhe sendet e gjetura, si dhe në bazë të provave materiale të siguruara paraprakisht, sot (17.05.2023) ka dorëzuar kallëzim penal kundër 18 personave nga Shkupi, në total për 20 vepra penale kundër S.R.(26), R.N.(20), A.B.(37), D.G.(39), E.A.(23), Z.N. (35), GJ.A.(34), M.B.(33), E.Sh.(25), Sh.S.(31), A.R.(23) dhe B.A.(33) për “prodhim dhe tregtim të paautorizuar të drogave narkotike, substancave psikotrope dhe prekursorëve”, kundër M.B.(32) për “prodhim dhe tregtim të paautorizuar të narkotikëve”. substancave psikotrope dhe prekursorëve” dhe për “prodhimit, posedimit, ndërmjetësimit dhe tregtimit të paautorizuar të armëve apo lëndëve shpërthyese”, si dhe kundër I.A.(38), D.A.(54), A.S.(27), O.N.(39) dhe M.B.(42) për “prodhim, posedim, ndërmjetësim dhe tregtim të paautorizuar të armëve apo lëndëve shpërthyese”, thonë nga MPB./Telegrafi/