Policia: Tre të vdekur nga aksidenti në magjistralen Prishtinë – Ferizaj (Foto)

(E plotësuar) Ndonëse më herët ishte raportuar për 4 të vdekur, sipas Policisë së Kosovës, tre veta kanë pësuar me fatalitet në aksidentin e ndodhur në magjistralen Prishtinë-Ferizaj, ndërmjet një kamioni dhe një veture.

Rastin për Klan Kosovën e ka konfirmuar Florije Ahmeti, zëdhënëse e policisë në rajonin e Prishtinës.

“Tre persona kanë mbetur të vdekur, dy femra dhe një mashkull, këtë e ka konfirmuar edhe mjeku në vendin e ngjarjes”.

Aksidenti ka ndodhur rreth orës 7:30.

——————————————

Një aksident i rëndë komunikacioni ka ndodhur në magjistralen Prishtinë-Ferizaj, përkatësisht te fshati Llugaxhi, në të cilin ka edhe të vdekur.

Sipas policisë, nga stacioni policor në Lipjan, aksidenti ka ndodhur mes një kamioni dhe një veture me targa të huaja.

“Po aksidenti ka ndodh në magjistrale, te fshati Llugaxhi, ekipet policore tashmë janë në teren si dhe vetura e ambulancës”, kanë thënë nga ky stacion.

Sipas burimeve të Indeksonline, nga aksidenti kanë mbetur të vdekur katër persona, derisa në vendin e ngjarjes ekipet po mundohen që të nxjerrin viktimat nga vetura.