Ajaxi me ofertë zyrtare për Martin Odegaard, Real me një propozim interesant për gjigantin holandez

Ajaxi është befasia më e këndshme e këtij edicioni në Ligën e Kampionëve.

Gjiganti holandez ka arritur deri në gjysmëfinale, ku edhe ka triumfuar në ndeshjen e parë në udhëtim 0-1 te Tottenham Hotspur.

Shumë yje pritet të largohen nga gjiganti holandez në drejtim të skuadrave të mëdha dhe tanimë Ajax ka filluar të gjejë zëvendësuesit e tyre.

Lojtari kryesor që po kërkohet nga Ajax për repartin ofensivë është talenti norvegjez Martin Odegaard.

20-vjeçari është i huazuar te Vittese nga Real Madrid dhe ka bërë mirë këtë edicion duke shënuar tetë gola e duke asistuar në nëntë të tjerë.

Ajaxi tanimë ka bërë ofertë zyrtare prej 20 milionë eurove, por që ende nuk ka arritur marrëveshje me Realin.

Los Blancos kanë kërkuar nga Ajaxi që ta marrin në huazim lojtarin për dy vite pa të drejtën e blerjes.

Por kjo gjë nuk po i pëlqen liderit aktual të Eredivisies, pasi dëshirojnë të paguajnë për 20 milionë dhe ta shesin pas disa viteve.

Gjithsesi trajneri Zinedine Zidane nuk llogarit në norvegjezin dhe ai pritet të largohet ose në huazim ose të shitet përfundimisht. /Telegrafi/