Ahmeti: Marrëveshja e Përzhinos duhet të mbrohet (Video)

Lideri i BDI-së, Ali Ahmeti në emisionin Click Plus në TV21 ka folur për mundësitë e krijimit të qeverisë pas zgjedhjeve të 11 dhjetorit, shkruan Telegrafi Maqedoni.

Kryetari i BDI-së në pyetjen se a i beson LSDM-së, është përgjigjur: ”Unë ju besoj akteve të shkruara në letër se fjalët i merr era” ka thënë Ahmeti.

Në pjesën për intervistën e Nikolla Gruevskit, Ali Ahmeti ka thënë se urrehet nga maqedonasit. Ahmeti e përmendi edhe një takim me Branko Cërvenkovskin i cili i ka treguar se populli maqedonas e urren.

Ahmeti ka thënë se deri tani askush nga BDI nuk ka biseduar as me OBRM-PDUKM-në dhe LSDM-në. Për këtë Ahmeti ka thënë se sipas statutit të partisë, vetëm ai mund të bëjë negociata.

Kryetari i BDI-së ka thënë se OBRM-PDUKM ka më shumë kapacitete se LSDM e Zoran Zaev.

Ahmeti ka thënë se në mes opsioneve për BDI-në qëndron edhe qëndrimi në opozitë, pavarësisht se ka më shumë deputet se partitë tjera shqiptare.

Ai tha se të gjithë opsionet e mundshme janë për krijimin e qeverisë së re. ”Le ta dijë opinioni se edhe unë jam në hall të madh.” ka thënë Ahmeti.

Ahmeti ka thënë se për rastet e rënda gjyqësore do të kërkojnë ri-shqyrtim dhe do të kërkojnë që gjyqësia të del në shesh pasi ata janë të burgosur pa fakte dhe argumente.

”Të gjithë forcat duhet të mbrojnë Marrëveshjen e Përzhinos. Do ta provojmë a ka prodhuar zgjidhje kjo marrëveshje por duhet të mbrohet nga të gjithë partitë nënshkruese” tha në fund të emisionit Ahmeti./Telegrafi/