Aguero po i rikthehet futbollit, por tani si pronar i një klubi

Sergio Aguero pritet t’i rikthehet futbollit, por kësaj radhe jo për të luajtur.

Ish-sulmuesi legjendar argjentinas pati probleme shëndetësore dhe u detyrua t’i jap fund karrierës së tij.

Megjithatë atij në asnjë moment nuk i është larguar dashuria për lojën më të bukur dhe së fundmi ka marrë pjesë në një turne në SHBA.

Lexo po ashtu Rekordi legjendar i Agueros që zgjati 21 vite u thye nga një 14-vjeçar në Argjentinë

Aguero në një lidhje direkte në rrjetet sociale ka bërë të ditur se do të rikthehet në futboll, por kësaj radhe dëshiron që ta blej një klub dhe të jetë pronar.

“Realiteti është se unë jam duke menduar të bashkohem me një klub futbolli, si pronar. Nuk do të them se cili klub, por do të vijë momenti”, deklaroi Aguero.

Lexo po ashtu Aguero po i kthehet futbollit - mori licencën e kardiologut dhe iu bashkua ish-skuadrës

“Më pëlqen të menaxhoj, të ndihmoj klubin, të përparoj, të krijoj një ekip të mirë, një staf të mirë, më pëlqen të shoh një klub të rritet mirë, sinqerisht”, deklaroi Aguero.

Megjithatë mediat e ndryshme në Spanjë dhe Argjentinën kanë raportuar se Aguero pritet të jetë pronar i ndonjë klubi evropian, pasi në vendlindje nuk ka mundësi për ta bërë një gjë të tillë. /Telegrafi/