Ronaldo është i zemëruar, por agjenti Jorge Mendes i kërkon të qëndrojë te Man Utd

Cristiano Ronaldo ka lënë bisedimet me agjentin Jorge Mendes për të ardhmen e tij te Manchester Unitedit.

Sipas The Sun , Mendes është përpjekur të qetësojë lojtarin pasi ai u hoq nga lista për përballjen me Manchester Cityn në derbin e fundjavës.

Por, ai mendohet se po lufton në një betejë të humbur me lojtarin që synon gjithnjë e më shumë të largohet nga klubi këtë verë, më pak se një vit pas kthimit të tij emocional në Old Trafford.

Lojtari është ende i tërbuar pasi iu tha nga Ralf Rangnick se ai do të vendosej si një super-zëvendësues në Etihad.

Lexo po ashtu Tensione te Man Utd – Djajtë e Kuq pritet t’i kenë katër mungesa të rëndësishme ndaj Man Cityt, Ronaldo njëri nga ta

Ronaldo më pas u ankua për një problem në ijë dhe u la jashtë skuadrës.

Ai fluturoi për në Portugali në vend që të bashkohej me shokët e tij të skuadrës në hotelin Loëry në qendër të qytetit të shtunën mbrëma, ndërsa ata përgatiteshin për përballjen e tyre të së dielës pasdite me Cityn.

Veterani 37-vjeçar u kthye në terrenin stërvitor të klubit në Carrington dje dhe ishte i fundit nga lojtarët që u largua.

Lexo po ashtu Portugalia ose Amerika - Ronaldo është i zhgënjyer me rikthimin te Manchester United

Ai ishte sërish atje sot, por nuk mori pjesë në stërvitjen e plotë.

Tani ka një tension të pakëndshëm rreth Carrington me lojtarët të vetëdijshëm për disponimin e Ronaldos. /Telegrafi/