Agjenti francez emëron tri klubet që mund të nënshkruajnë me Kylian Mbappen

Sipas agjentit evropian të futbollit, Bruno Satin, janë vetëm tri klube që mund të transferojnë Kylian Mbappen.

Sulmuesi francez ka shprehur dëshirën për t’u larguar nga Paris Saint-Germain kur t’i skadojë kontrata në fund të sezonit 2023/24.

Presidenti PSG-së, Nasser Al-Khelaifi, ka hedhur poshtë idenë për të lënë yllin e tyre të largohet si i lirë.

Lexo po ashtu Al-Khelaifi mesazh të drejtpërdrejt Mbappes: Ose vazhdon kontratën, ose shitet këtë verë – falas nuk largohet

Ky bllokim ka alarmuar disa klube evropiane që janë të interesuara të testojnë vendosmërinë e klubit parisien. Megjithatë, Satin, një agjent francez me ndikim, beson se vetëm tri ekipe kanë një mundësi të mirëfilltë për të siguruar shërbimet e fituesit të Kupës së Botës.

“Është e vështirë të japësh një çmim për Mbappen”, ka thënë ai për L’Equipe. “Një klub normal, që do të thotë jo një klub-shtet, për mendimin tim nuk do të paguajë 2000 milionë euro sot”.

“Për mendimin tim, vetëm Manchester City, Newcastle dhe Real Madrid mund të paguajnë sot. Për mua, çmimi real është midis 100 dhe 150 milionë euro, pas së cilës mund të ketë bonuse që të shkojnë deri në 200 milionë”, ka shtuar më tej ai. /Telegrafi/