Aeroplani i vogël godet një kamion në një autostradë të Karolinës së Veriut – vdes piloti, shoferi i automjetit dërgohet në spital

Një aeroplan i vogël u përplas me një kamion të mërkurën në një autostradë të Karolinës së Veriut, ku mbeti i vdekur piloti dhe shkaktoi një zjarr të vogël.

Administrata Federale e Aviacionit tha se një Beechcraft Barron me dy motorë u përplas me traktor-rimorkio në Interstate 85 South, pranë aeroportit të Davidsonit në Lexington.

Raportimet e hershme tregojnë se aeroplani po ngrihej nga aeroporti kur humbi lartësinë dhe u përplas me kamionin që shkonte në jug. Emri i pilotit nuk u publikua të mërkurën mbrëma në pritje të njoftimit të të afërmve, njoftoi policia amerikane.

FAA tha se do të hetonte përplasjen së bashku me Bordin Kombëtar të Sigurisë së Transportit, por nuk dha detaje shtesë.

Mediat raportojnë se drejtuesi i traktorit-rimorkio u dërgua në një spital Winston-Salem për trajtim të lëndimeve të lehta.

Videoja nga vendi i ngjarjes tregonte kamionin në anën e majtë. Pjesa e bishtit të aeroplanit u panë pranë platformës së përmbysur.

Videoja tregoi gjithashtu zjarrfikësit duke spërkatur ujë ndërsa flakët dogjën tokën pranë I-85 me disa mbeturina të shpërndara në rrugë. /Telegrafi/