Aeroplani i delegacionit kosovar, në vend të Brukselit, orientohet drejt Beogradit

Delegacioni kosovar, i udhëhequr nga Presidenti i Kosovës, Hashim Thaçi, është nisur sot për në Bruksel, ku pritet që në mëngjesin e së mërkurës (nesër) të zhvillojnë takimin e radhës në kuadër të dialogut me presidentin e Serbisë, Aleksandar Vuçiq.

Klan Kosova ka përcjellur edhe momentin e nisjes së delegacionit kosovar me avionin privat të zv/kryeminsitrit Behgjet Pacolli, ndërsa gazetari Baton Haxhiu, ka thënë se gjatë rrugëtimit avioni i delegacionit kosovar është orientuar drejt Beogradit.

”Gjatë rrugëtimit ka ndodhur diçka e cila ka krijuar një ndjenjë të keqe, avioni ka pasur 2 orë e 10 minuta për të arritur në Bruksel. Por kulla ajrore e ka ngatërruar rrugëtimin dhe ka orientuar rrugëtimin nga Beogradi”, ka thënë Haxhiu.

Sipas tij, zëvendëskryeministri Pacolli ka parë që rrugëtimi ka ndryshuar dhe po hyjnë në territorin e Serbisë.

”Ka ndodhur që kujdesshëm aeroplani është kthyer përsëri në Tiranë, për të marrë kahjen nga ajo rrugë ajrore siç ishte paraparë”.

“Ky incident ishte i pahijshëm i kullës ajrore nga Tirana aeroplani ka hyrë në zonën e Republikës së Serbisë”.

”Behgjet Pacolli derisa bën udhëtime të shpeshta e ka vërejtur këtë incident”.

”Natyrisht që shqetësimi ishte i gjithë njerëzve në avionin privat të Zotit Pacolli, por sidoqoftë gjithçka ishte në rregull”, ka sqaruar Haxhiu.

Kjo është hera e parë që një delegacioni shtetëror i Kosovës hyn në territor të Serbisë, raporton Klan Kosova.