Adriano: Me Icardin do ishim një dyshe e mrekullueshme, Moratti si një baba i dytë për mua – Zanetti shembull

Legjenda e Interit, Adriano, beson se do të ishin një dyshe fantastike me Mauro Icardin.

36-vjeçari iu bashkua klubit italian në vitin 2001 dhe me paraqitjet fantastike ishte një nga sulmuesit më të mirë në botë të kohës së tij, por për shkak të problemeve personale shkëlqimi i karrierës së tij përfundoi para kohe.

“E di sa i mirë isha dhe e di se kam bërë gjëra të rëndësishme”, ka thënë Adriano për DAZN.

“Nuk mund të besoja kur erdha fillimisht në Itali. Kujtoj se vetëm shikoja të gjithë përreth meje në bankën rezervë, nga [Clarence] Seedorf te [Marco] Materazzi“.

“Gjithashtu kujtoj se Ronaldo më priti mirë, dhe atë në shtëpinë e tij. Jetoja në hotel dhe ai më pyeti nëse dëshiroja të jetoja me atë. Ishte e bukur”.

“Ne aspektin e sportit përjetova një provojë fantastike në zhveshtore, kurse në aspektin jetësor [Javier] Zanetti ishte shembull. Ai ishte gjithmonë përkrah meje, posaçërisht kur më vdiq babai, normalisht edhe presidenti [Massimo] Moratti më ndihmoi shumë, ai ishte si baba i dytë për mua”.

Lexo po ashtu "Unë isha aq i pafuqishëm", fjalët e Zanettit rreth rënies katastrofale të Adrianos do t’jua thyejnë zemrën

“Do t’i jem mirënjohës përgjithmonë për të gjitha që bëri për mua dhe familjen time në ato vite, sa herë që flas për atë emocionohem”.

“Tani jam i lumtur me shokët dhe familjen time në Rio, jetojmë një jetë shumë normale. Nuk jam pensionuar, vetëm kam vendosur të bëjë një pauzë”.

“Nëse ka një shans që të kthehem për të luajtur, do jem aty, por vetëm në Brazil. Nuk mund të jem larg tre fëmijëve të mi”.

Adriano gjithashtu u pyet edhe për kapitenin aktual të Interit, Mauro Icardi: “Icardi është një lojtar i madh dhe ende shumë i ri. Ai dhe unë do të ishim një dyshe e mrekullueshme në fushë”.

“Jam lindur në atë mënyrë, ishte ashtu që nga fëmijëria. Shokët më kërkonin të gjuaja më lehtësisht, por ishte instiktive. Nuk mund të gjuaja pak, gjithmonë vetëm fortë”, ka thënë për fund ‘Perandori’ duke komentuar gjuajtën e fortë të tij me të majtën. /Telegrafi/

https://www.youtube.com/watch?v=nBzrKtbGVfM