Marco Zorzin nga Britania e Madhe e ka marrë emrin e mesëm Superman sipas heroit të tij nga filmat, ndërsa ka një koleksion të gjerë me gjëra që lidhen me të.
Burri 30-vjeçar, po përpiqet të hyjë në Librin e Rekordeve të Ginisit, për gjërat që ka mbledhur, si dhe disa veprime që konsideron se është i vetmi që i ka bërë, transmeton Telegrafi.
Synon të hyjë në Librin e Rekordeve të Ginisit
Pos emrin të tij, vajzën e madhe e ka quajtur Lana, sipas Lana Lang që ishte një e re të cilën e donte Supermeni, si dhe tjetrën Lara, emri i nënës biologjike të heroit që vjen nga planeti Kriptonit.
Më se dymijë gjësende që kanë lidhje me Superman
“Gruaja ime nervozohet me të gjitha këto figura që e kanë zënë dhomën, si dhe disa pjesë të shtëpisë, por edhe më tutje vazhdon të më blejë gjëra” ka thënë Zorzin lidhur me rastin.
Figurat i kanë mbushur dhomën dhe shtëpinë
Madje, të gjitha dhuratat që ia bëjnë familjarët dhe miqtë, janë në po të njëjtën temë, kurse në mesin e tyre ka edhe shumë të rralla që nuk gjenden askund. /Telegrafi/
