Adelina, 19-vjeçarja nga Lipjani që pësoi ndryshim drastik në emisionin “Metamorfoza” nga Suzana (Video)

Episodi i katërmbëdhjetë i emisionit “Metamorfoza” ka sjell një tjetër ndryshim, atë të Adelinës nga Lipjani.

Moderatorja e emisionit, Suzana Mushkolaj, tërhoqi edhe njëherë vëmendjen e shikuesve me paraqitjen e saj atraktive dhe qëndrimin joshës përpara kamerës.

Vajza protagoniste e emisionit, Adelina, tregoi fillimisht problemet në fytyrën e saj, të cilat ajo do dëshironte t’i eliminonte.

Pas një vizite te dermatologu, ajo mori këshillat se si të trajtojë më mirë fytyrën e saj për në të ardhmen, në mënyrë që të mos ketë probleme.

Më pas, Adelina së bashku me moderatorin, shkuan drejt një prej butiqeve më të famshëm në Prishtinë, për të zgjedhur rrobat me të cilat ajo do paraqitje në prezantimin final.

E njëjta mori shumë këshilla për stilin dhe modën, nga moderatorja Suzana Mushkolaj, e cila e njeh mirë këtë fushë.

Në fund të emisionit, Adelina u prezantua me dukjen e saj të re, për të cilën ishte mjaft e kënaqur, ndaj dhe ekipi i “Metamorfozës”, edhe kësaj radhe bëri një punë të shkëlqyer. /Telegrafi/