“I treguat botës se si ta trajtojë saktë Rusinë”: Zelensky shpërndan videon ku Edi Rama përplaset me përfaqësuesin rus në OKB

Presidenti i Ukrainës ka shpërndarë një video të shkurtër në rrjetin social X (të njohur si Twitter) në të cilën kryeministri i Shqipërisë, Edi Rama, kishte një “përplasje” me ambasadorin rus në OKB.

Sipas Zelenskyt, kjo edhe është mënyra se si duhet treguar botës se si ta trajtojë saktë Rusinë.

“I nderuar z. Edi Rama, sot në KS të OKB-së ju i treguat botës se si ta trajtojë saktë Rusinë, gënjeshtrat dhe hipokrizinë e saj. Ju falënderoj që e drejtoni Presidencën në një mënyrë kaq parimore”, ka shkruar Zelensky në përshkrimin e videos së publikuar.

Dear @EdiRamaal, today at the UNSC you showed the world how to correctly handle Russia, its lies, and its hypocrisy. I thank you for steering the Presidency in such a principled manner. pic.twitter.com/0wKca8xZon

— Volodymyr Zelenskyy / Володимир Зеленський (@ZelenskyyUa) September 20, 2023

Ndryshe, në Këshillin e Sigurimit është zhvilluar një debat mbi ruajtjen e paqes dhe sigurisë në Ukrainë.

Kjo seancë drejtohej nga kryeministri Edi Rama pasi Shqipëria mban Presidencën e Këshillit të Sigurimit.

Lexo po ashtu Zelensky dhe Lavrov në të njëjtën hapësirë për herë të parë që nga fillimi i luftës

Dhe videoja e publikuar nga Zelensky, Rama ka replikuar fuqishëm me Përfaqësuesin e Rusisë në OKB, Vasily Nebenzya.

Shkak është bërë prezenca e presidentit të Ukrainës, Volodymyr Zelensky.

Si pasojë, ambasadori rus kërkoi shpjegime se “pse ai është i pranishëm në atë seancë”.

Ndërsa kreu i qeverisë shqiptare u përgjigj që nëse ambasadori rus bie dakord që Rusia të ndalë luftën, atëherë presidenti Zelensky nuk do ta mbajë fjalën. /Telegrafi/