Një truk i thjeshtë me limon mund të ndihmojë gjatë sulmeve të panikut

Sulmet e panikut prekin miliona njerëz, madje edhe njerëzit që nuk luftojnë me një gjendje të shëndetit mendor mund t’i përjetojnë ato.

Simptomat mund të përfshijnë djersitje, ndjesi shpimi gjilpërash, rrahje të shpejta të zemrës, dridhje, një ndjenjë dënimi të afërt dhe frikë nga vdekja.

Sigurisht, askush nuk dëshiron ta vuajë këtë. Kjo është arsyeja pse Jennifer Anders, një psikologe nga Kolorado, publikoi një rubrikë që u tregon ndjekësve të saj një metodë për të ndaluar sulmet e panikut – transmeton Huff Post.

Ajo iu referohet këshillave të saj si një hile me lëmon ndaj sulmit të panikut dhe është pikërisht ashtu siç tingëllon. Anders këshillon që të presin një limon në feta dhe ta fusin në gojë herën tjetër kur të ndiejnë një atak paniku.

Lexo po ashtu Mënyra më efektive për t’i ndalur sulmet e panikut

“Mënyra se si funksionon truku i sulmit të panikut me limon është se ai sjell ndërgjegjësim në trup dhe në momentin aktual, kështu që është një mjet tokëzues. Limoni largon vetëdijen tuaj nga mendimet negative, në momentin aktual dhe ju ndihmon të lidheni me mjedisin tuaj”, shpjegon psikologia.

Madje mund ta gjeni veten duke marrë frymë thellë, pasi ta keni shijuar shijen e thartë.

“Dhe në të vërtetë ajo që bën është se ndihmon ta ndani mendjen nga mendimet tuaja dhe ta futni vetëdijen në trupin fizik. Dhe kjo është ajo që ne përpiqemi të bëjmë… sa herë që kemi një sulm paniku”, ka thënë ajo.

Nëse nuk keni limon afër, metoda funksionon edhe me karamele të tharta. /Telegrafi/