Votimi pritet të jetë më i shpejtë në balotazh në Turqi

Qendrat e votimit në të gjithë Turqinë janë dukur të jenë më të qeta dhe më të rregullta, ndërsa turqit u dyndën për të hedhur votat e tyre në një balotazh për të zgjedhur një president të ri.

Me vendet parlamentare të vendosura tashmë në zgjedhjet e 14 majit, votuesit zgjedhin vetëm midis Erdoganit dhe rivalit të tij, Kilicdaroglu, si presidentin e ardhshëm, transmeton Telegrafi.

Kujtojmw qw sot nw Turqi po mbahet raundi i dytë i zgjedhjeve presidenciale, ku qytetarët e këtij vendi do të vendosin se kush do ta drejtojë vendin në pesë vitet e ardhshme.

Lexo po ashtu Turqit shkojnë sot në raundin e dytë të zgjedhjeve: Erdogan apo Kilicdaroglu?

Raundi i parë i zgjedhjeve u mbajt më 14 maj dhe duke qenë se asnjë kandidat nuk fitoi më shumë se 50 për qind të votave, dy kandidatët kryesorë, presidenti aktual Recep Tayyip Erdogan dhe kandidati kryesor i opozitës Kemal Kilicdaroglu, do të shkojnë sot në raundin e dytë të zgjedhjeve.

Pjesëmarrja në raundin e parë të zgjedhjeve ishte e lartë. Për të votuar dolën 86,98 për qind e votuesve (64,190,651 persona), dhe sipas rezultateve, Recep Tayyip Erdogan fitoi më shumë vota (49,52 për qind), i ndjekur nga Kemal Kiliçdaroglu që fitoi 44,88 me një diferencë të vogël, për qind të votave. /Telegrafi/