Jack Grealish iu hakmor Gutit për komentet e bëra për lojën e tij ndaj Real Madridit

Jack Grealish qeshi i fundit pasi mori kritika nga legjenda e Real Madridit, Guti.

Ylli i Manchester Cityt iu kundërpërgjigj ish-reprezentuesit të Spanjës, pasi u veçua për paraqitjen e tij në ndeshjen e parë gjysmëfinale të Ligës së Kampionëve.

Ylli i Cityt iu kundërpërgjigj Gutit, i cili veçoi performancën e Grealish në ndeshjen e parë të gjysmëfinales së Ligës së Kampionëve kundër Real Madridit.

Pasi City barazoi 1-1 në Bernabeu, Guti nuk e pranoi kërcënimin sulmues të Cityt. Në të vërtetë, duke folur në El Chringuito, ai veçoi Grealishin, duke pretenduar se “nuk driblon askë” dhe se nuk e ka “parë” të shfaqet në Evropë.

“Trajnerët kanë ndryshuar role, tani i guximshëm është Ancelotti dhe ai mbrojtës është Guardiola”, deklaroi legjenda e Los Blancos.

“Manchester City ka më pak sulme. Dikur kishin dy mbrojtës të krahut që hynin si rrufe nga mbrapa dhe tani jo. Ata futën Bernardo Silvën, i cili nuk është anësor dhe humbin një lojtar atje”.

“City ka Jack Grealish, i cili nuk driblon askënd. Në Ligën Premier, ai mund t’i tejkalojë të gjithë, por unë nuk e kam parë atë në Ligën e Kampionëve”, ka shtuar më tej Guti.

Kritikat fillestare të Gutit ndaj Grealish ishin të ashpra, duke pasur parasysh se anglezi krijoi gjashtë raste nga loja e hapur – më së shumti nga një lojtar si mysafir në Bernabeu në një ndeshje evropiane që nga viti 2007.

Sigurisht që në ndeshjen e dytë City ishte i pamëshirshëm, duke fituar 4-0 kundër Los Blancos të dobët.

Grealish gjithashtu, luajti teksa City shkatërroi kampionët në fuqi. Ai u rendit i pari në lojë për driblime, krosime të përfunduara dhe shkon të tretën sulmuese, ndërsa u rendit i dyti për ndërhyrjet totale.

Dhe 27-vjeçari nuk mundi të rezistonte duke i kujtuar Gutit se si komentet e tij dështuan.

Grealish postoi një emoji me gojë të mbyllur në Twitter të premten mbrëma, si përgjigje ndaj një klipi të kritikave të Gutit. /Telegrafi/