Unitedi do të humbë 45 milionë euro në rast të largimit të Harry Maguire

Manchester United do të përballet me një humbje prej 40 milionë funtesh (45 milionë euro) në rast se Harry Maguire largohet nga Old Traffordi në verën që vjen.

Mbrojtësi anglez u rikthye në formacionin e Djajve të Kuq në fitoren e të dielës ndaj Leeds United në Elland Road, por ky ishte vetëm starti i tij i pestë sezonal në Ligën Premier.

Lexo po ashtu Eksod te Manchester United: Ten Hag u ka thënë gjashtë lojtarëve se janë të lirë të largohen nga Old Trafford

Kjo thjesht nuk mjafton për një futbollistë të nivelit të lart ndërkombëtar, i cili mbush 30 vjet në më pak se tri javë dhe ka një pranim në rritje nga të dyja palët se Maguire do të duhet të ndërrojë ambient në fund të sezonit.

Unitedi do të jetë i hapur për të pritur oferta, mirëpo ekziston frika se duhet të pranojë gjysmën e shumës (80 milionë funte/90 milionë euro) të cilën e pagoi për ta transferuar nga Leicester City në verën e vitit 2019 – një shumë rekorde për një mbrojtës.

Lexo po ashtu Katër yjet e Man Utd që mund të shiten gjatë verës, për të mundësuar blerjen e lojtarëve të rinj

Kontrata e Maguire, nga e cila përfiton 180.000 funte (204.000 euro) në javë, është valide deri në vitin 2025, por Raphael Varane dhe Lisandro Martinez janë zgjedhjet e para të Erik ten Hag në fazën defensive. /Telegrafi/