U njoh me një djalë përmes internet dhe u zhduk, policia amerikane e gjeti lakuriq dhe të lidhur në bodrum – një detaj u ndihmoi ta shpëtojnë

Studentja nga shteti amerikan Utah, Madelyn Allen, që u zhduk javën e kaluar, tani policia thotë se e ka gjetur në shtëpinë e rrëmbyesit 39-vjeç Brant Brown.

Siç raporton NBC, burri i arrestuar u dënua për cenim të lirisë, sulm seksual dhe keqtrajtim fizik, transmeton Telegrafi.

Zhdukjen e studentes e kishte raportuar familja e saj gjatë 13 dhjetorit, e atë ditë në ora 9 të mëngjesit kishte dalë nga dhoma e saj në konvikt. Sipas pamjeve të kamerave të sigurisë, 19-vjeçarja ishte larguar nga ndërtesa në ora 9:22.

Prindërit e kishin raportuar zhdukjen e saj, e hetimeve i erdhi fundi pas pesë ditëve kur u gjet dhe iu kthye prindërve.

https://twitter.com/Nerdy_Addict/status/1472554863020195850?ref_src=twsrc%5Etfw%7Ctwcamp%5Etweetembed%7Ctwterm%5E1472554863020195850%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3834827%2Fstudentkinja-upoznala-decka-preko-interneta-pa-nestala

“Jemi të lumtur që tani është e sigurt. Tani është me ne – më e sigurt, por ajo çfarë ka kaluar është e tmerrshme dhe traumatike. Nuk po mund të imagjinojmë nëpër çfarë ka kaluar. Ajo është luftëtare, trimëreshë. Jemi shumë falënderues që është sërish me ne dhe do ta ndihmojmë ta rimerr veten”, tha familja e saj.

Ajo u shpëtua brenda një bodrumi, ku u gjet lakuriq dhe e mbuluar në një lloj vaji, pasi javën e kaluar ishte zhdukur kur edhe njohu një djalosh të ri përmes internetit.

Sipas hetuesve që punojnë në këtë rast, Brant e kishte marrë ditën kur edhe ishte zhdukur – duke e dërguar në një qytet 150 kilometra larg konviktit ku banonte.

https://twitter.com/JosephMorrisYT/status/1471919934162751489?ref_src=twsrc%5Etfw%7Ctwcamp%5Etweetembed%7Ctwterm%5E1471919934162751489%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3834827%2Fstudentkinja-upoznala-decka-preko-interneta-pa-nestala

Prindërit ishin brengosur kur u dërgoi mesazhin “ju dua”. E pasi që nuk ishte shfaqur fare disa ditë, e raportuan rastin në polici.

Policia arriti ta lokalizoj sinjalin e telefonit të saj dhe filluan ta kontrollojnë zonën ku dyshohej se gjendej ajo. Kështu arritën edhe derisa të shtëpia e Brant – ku ai ua hapi derën por refuzoi t’i lejoj të futen brenda pa lejen e prindërve – që ishin edhe pronar të pronës.

Njëri nga detektivët kishte vërejtur përmes dritares së bodrumit se po i shkëlqenin flokët dhe se diçka lëvizte. Aty kërkuan lejen nga prindërit që të futen brenda, dhe në bodrum hasën në vajzën që ishte e lidhur dhe lakuriq dhe e mbuluar plotësisht me vaj.

https://twitter.com/JosephMorrisYT/status/1472620943105269780?ref_src=twsrc%5Etfw%7Ctwcamp%5Etweetembed%7Ctwterm%5E1472620943105269780%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3834827%2Fstudentkinja-upoznala-decka-preko-interneta-pa-nestala

Në të njëjtin bodrum kishte një set thikash dhe pushkë. Më vonë u zbulua që Brant ia kishte marrë telefonin dhe ia kishte fikur.

Ai ia kishte dhënë vetëm një herë telefonin që t’i dërgojë mesazhin prindërve, e hetuesit përmes sinjalit të tij kanë arritur ta gjejnë.

Vajza ka treguar sesi Brown disa herë e kishte përdhunuar e ngufatur. E kishte kërcënuar se do t’i bëjë këtë familjes së saj nëse shkon apo i tregon dikujt se ku gjendet.

Brown ka pranuar në polici se e kishte lidhur sa ishte në punë, por se pretendon t’i ketë lënë ushqim dhe e kishte lejuar ta shfrytëzojë tualetin.

Madelyn ka biseduar me policinë, duke pranuar se Brown e kishte detyruar të zhvishet kur u fut në shtëpinë e tij duke mos e lejuar që sërish të vishet. E kishte kërcënuar se do ta godet me rrip nëse vishet. /Telegrafi/