“Gëzuar për paratë” – Masvidal humbi nga Usman, por është i kënaqur me përfitimin

Jorge Masvidal është larguar nga Abu Dhabi pas meçit historik të UFC-së në Fight Island, ndërsa është shfaqur në aeroplan duke pirë me ekipin nga brendi i pijes së tij alkoolike.

Ylli i arteve të përziera marciale ishte zëvendësim i vonshëm për duelin ndaj Kamaru Usman në kuadër të ‘UFC 251’, pasi që kundërshtari fillestar, Gilbert Burns, ishte tërhequr sepse rezultoi pozitiv në coronavirus.

35-vjeçari kishte kërkuar një shumë të madhe parash për të qenë pjesë e këtij turneu dhe besohet të ketë përfituar së paku gjysmë milion dollarë. Kjo shumë është madje më e madhe nga ajo që mori në duelin ndaj Nate Diaz në nëntorin e kaluar, kur përfitoi 400.000 dollarë.

Lexo po ashtu Usman fiton meçin e shumëpërfolur ndaj Masvidal në UFC

Megjithatë, ai nuk befasoi që të regjistronte fitore befasuese në tetëkëndësh, duke qenë se Usman e dominoi pjesën më të madhe të meçit duke fituar me pikë.

View this post on Instagram

Para todo bien, para todo mal mezcal! For all the good, for all the bad-Mezcal! Appreciate everybody that reached out and best believe we running that back @recuerdomezcalusa @charlie_decca @eliteathletesperformance @isaackesington @paulinboys @mikebrownmma @nobickal1 @abrahamkawa

A post shared by Jorge Masvidal (@gamebredfighter) on Jul 12, 2020 at 4:08pm PDT

Sidoqoftë, përkundër humbjes së 14-të në karrierë, Masvidal nuk ishte i zhgënjyer, pasi është shfaqur duke festuar me miqtë e tij rrugës për në Shtetet e Bashkuara të Amerikës.

“Gëzuar për fitimin e parave. Kemi një thënie një spanjisht: ‘Mezcal (pije alkoolike) në kohë të mira dhe Mezcal në kohë të këqija. Kjo nuk është kohë aq e keqe. Nuk shkoi 100 për qind sipas planit, por po largohemi me një pjesë të madhe të planit”, dëgjohet duke thënë ylli i UFC-së në videon e publikuar në Instagram. /Telegrafi/