Vuçiq: Tani duhet të flasim për viktimat dhe pajtimin

Kryeministri i Serbisë, Aleksandar Vuçiq ka thënë të shtunën se ai kishte drejtuar një qeveri në të cilën krimet dhe kriminelët ‘nuk ndryshojnë në emër dhe mbiemër’, por vetëm nëse dikush ka kryer një krim apo jo, raporton Tanjug, përcjellë Klan Kosova.

“Vetëm ne nuk e bëjmë dallimin në bazë nëse një krim është kryer nga pjesëtarët e kombit serb ose një krim është kryer kundër serbëve. Kjo tregon madhështinë e kombit tonë dhe seriozitetin dhe përgjegjësinë e qeverisë”, Vuçiq i ka thënë gazetarëve.

Kryeministri serb duke e pasuar vendimin e gjykatës kundër Radovan Karaxhiq në Hagë ka thënë se tani është më e rëndësishme të flitet për viktimat njerëzore, vuajtjet dhe pajtimin sesa për implikimet ligjore dhe politike që vendimi mund të ketë.

Vuçiq ka thënë se çdokush po harron se Serbia ka qenë e para që i ka arrestuar ata që kanë kryer krime në Srebrenicë dhe ishte vendi i vetëm në regjion që ka arrestuar ata që kanë kryer krime duke e bërë këtë në emër të Serbisë.

“Unë nuk kam parë ende ndonjë vend ta ketë bërë këtë”, ka thënë Vuçiq.

“Në këtë mënyrë, në po tregojmë madhështinë e popullit tonë dhe seriozitetin e qeverisë, “ ka thënë ai, raporton Tanjug.