30 ditë paraburgim ndaj të dyshuarit për kanosje ndaj dy zyrtarëve në Prizren 

Gjykata Themelore në Prizren ka caktuar 30 ditë paraburgim ndaj të pandehurit G.P për shkak të kanosjes së personit zyrtar.

Gjykata me rastin e caktimit të masës së paraburgimit ndaj të pandehurit ka vlerësuar se ekzistojnë arsyet ligjore për caktimin e masës së paraburgimit, dhe nga provat e mbledhura deri në këtë fazë, rrjedh dyshimi i bazuar se më 28 mars, në orët e pasdites, në zyrat e objektit të Komunës së Prizrenit, ndaj personave zyrtar në lidhje me punën e tyre zyrtare i kanos të dëmtuarët S.T dhe Ç.L.,

“… në atë mënyrë që për shkak të një tenderi, i pandehuri paraqitet në zyrat e Komunës së Prizrenit– ku punojnë të dëmtuarit, dhe të dëmtuarit S.T., – menaxher i projektit i kanoset me fjalët ‘………., ka me të vra para Komune, nuk ke ke gëzu pensionin’ ndërsa personit tjetër zyrtar _ Ç.L., Drejtor i Shërbimeve publike, i pandehuri e kanos me fjalët ‘Nuk guxon kush me ndërpre kontratën’, si pasojë e kësaj të dëmtuarve u shkakton frikë, shqetësim dhe pasiguri. Kurse a do të argumentohen këto fakte do të vlerësohet në fazat e mëtejme të procedurës penale”, thuhet në njoftim.

Me rastin e caktimit të paraburgimit, Gjykata ka marrë parasysh peshën e rëndë të veprës penale, pasi që i pandehuri dyshohet se seriozisht ka kanosur personat zyrtar. /Telegrafi/